“Urime President, mezi pres të punojmë së bashku”, kryeministri Albin Kurti uron Donald Trumpin për fitoren
Kryeministri i Republikës së Kosovës, Albin Kurti ka reaguar tashmë për fitoren e Donald Trump në zgjedhjet presidenciale në Shtetet e Bashkuara të Amerikës.
Donald Trump tashmë thuajse edhe zyrtarisht ka fituar zgjedhjet elektorale në ShBA, duke udhëhequr me një diferencë të theksuar ndaj rivales së tij, Kamala Harris.
Triumfi i Trump në zgjedhjet presidenciale bëri që liderë të mëdhenj të shteteve boterore ta urojnë atë.
“Urime President Donald Trump për fitoren tuaj elektorale. SHBA-ja është një aleat, mik dhe partner kyç i Kosovës dhe ne mezi presim të punojmë së bashku për përparim dhe paqe”, ka shkruar Kryeministrit Kurti në platformën X.
Vlen të theksohet se më herët gjatë ditës, fitoren e Trump e uruan edhe presidentja e vendit, Vjosa Osmani, si dhe kryetarët e partive opozitare, Memli Krasniqi, Lumir Abdixhiku dhe Ramush Haradinaj.
MARKETING
