Trump para mediave: Besoj se Kanadaja duhet të bëhet shteti i 51-të i SHBA”/ Kryeministri kanadez: Ca vende nuk do të jenë kurrë në shitje!

Presidenti Donald Trump tha se ende beson se Kanadaja duhet të bëhet shteti i 51-të në SHBA, teksa foli me gazetarët në Shtëpinë e Bardhë gjatë takimit me kryeministrin kanadez Mark Carney.

“Unë besoj se do të ishte një ulje masive e taksave për qytetarët kanadezë. Ju merrni ushtri falas, kujdes mjekësor të jashtëzakonshëm, gjëra të tjera. Do të kishte shumë përparësi”, tha Trump.

Trump u shpreh se në zemër është zhvillues i pasurive të paluajtshme dhe tha, kur i pa të dy vendet së bashku, “Thashë se kështu duhej të ishte”.

“Por ne nuk do ta diskutojmë këtë nëse dikush nuk dëshiron ta diskutojë”, shtoi presidenti.

Carney kundërshtoi dhe i tha Trumpit: “Siç e dini nga pasuritë e paluajtshme, ka disa vende që nuk janë kurrë në shitje”, tha Carney. “Nuk është në shitje. Nuk do të jetë kurrë në shitje.”

MARKETING