Trafiku jashtë zonave urbane zhvillohet normalisht, apel për kujdes të shtuar nga LAMM

Intensiteti i trafikut në rrugët jashtë zonave urbane është mesatar dhe qarkullimi po zhvillohet pa pengesa të mëdha. Sipas shërbimeve kompetente, nuk janë regjistruar vonesa të gjata në hyrje-daljet e vendit në pikat kufitare në anën e Maqedonisë së Veriut.

Lidhja Auto-Moto e Maqedonisë (LAMM) u bën thirrje të gjithë shoferëve që të tregojnë kujdes të shtuar gjatë drejtimit të automjeteve. Rekomandohet përshtatja e shpejtësisë me kushtet e rrugës, respektimi strikt i sinjalistikës së trafikut dhe vigjilencë e veçantë në akset rrugore që kalojnë nëpër lugina, lugina lumenjsh dhe gryka, ku ekziston rreziku nga rrëshqitjet e dheut dhe ngricat.

Si seksione kritike janë veçuar rrugët Katllanovë–Veles, Mavrovë–Dibër–Strugë, Vinicë–Berovë dhe Koçan–Dellçevë, ku për shkak të konfigurimit të terrenit dhe paqëndrueshmërive të mundshme kërkohet kujdes i shtuar nga drejtuesit e mjeteve.

Nga LAMM rikujtojnë se drejtimi i kujdesshëm dhe përshtatja në kohë me kushtet e rrugës janë thelbësore për një udhëtim të sigurt, veçanërisht gjatë periudhës së dimrit dhe në kushte moti të ndryshueshme. Shoferëve u rekomandohet gjithashtu të informohen rregullisht mbi gjendjen e rrugëve para nisjes në udhëtim.

MARKETING