Sulmi terrorist në Banjskë, O’Brien: Serbisë ia kemi bërë të qartë se individët e përfshirë duhet të mbajnë përgjegjësi

Ndihmëssekretari amerikan i Shtetit për Evropën dhe Euroazinë, James O’Brien, gjatë një diskutimi online që kishte me gazetarë ka folur edhe për situatën e sigurisë në Ballkanin Perëndimor dhe sulmin  në Banjskë të Zveçanit, të cilin sulm e kishte organizuar dhe mori pjesë Milan Radoiçiq, i cili tashmë është në listën e zezë të Shteteve të Bashkuara të Amerikës.

Ndihmëssekretari amerikan në këtë diskutim online me gazetarë që e mbajti të premten tha se individët që janë përfshirë në këtë sulm duhet të marrin përgjegjësi për veprimet e tyre.

“Pra, palës serbe ne ia kemi bërë të qartë se individët që u përfshinë në aktet e shtatorit duhet të mbajnë përgjegjësi për veprimet e tyre. Dhe ne presim që kjo të ndodhë dhe të ndodh së shpejti.

Qeveria serbe tashmë ka ndërmarrë një sërë hapash që nga 24 shtatori, dhe ne i mirëpresim ato, duke përfshirë shkarkimin e kreut të Agjencisë së inteligjencës, zhvendosjen e bazës së trupave prapa…

Por, ne duam të shohim që tensionet të ulen…”, tha ai.

Ndihmëssekretari amerikan i Shtetit për Evropën dhe Euro-Azinë, James O’Brien, po është deklaruar edhe lidhur me lëvizjes e ushtrisë serbe në afërsi të kufirit me Kosovën, të cilat theksoi se janë duke i përcjellë.

O’Brien ka ritheksuar se edhe presidenti serb, Aleksandar Vuçiq, e di së përdorimi i forcës do të ishte i papranueshëm.

MARKETING