Studimi i Këshillit Atlantik: Rusia do të shpërbëhet deri në vitin 2033

Sipas një studimi të ri nga Këshilli Atlantik, Rusia siç e njohim sot mund të mos mbijetojë në dekadën e ardhshme.

Një sondazh me 167 analistë, të cilët ndanë pikëpamjet e tyre se si mund të duken gjeopolitika, lëvizjet sociale dhe politike dhe fusha të tjera në 10 vjet, tregoi se Rusia është në rrezik të mos mbijetojë në gjendjen e saj aktuale, transmeton Telegrafi.

Sondazhi tregoi se 40 për qind e analistëve, parashikojnë se Rusia do të përjetojë shpërbërje të brendshme deri në vitin 2033, shkruan Sky News.

Ata deklarojnë se arsyet për këtë do të jenë revolucioni, lufta civile apo shpërbërja e politikës.

Rreth 46 për qind e analistëve presin që Rusia të bëhet një shtet i dështuar në 10 vitet e ardhshme, ose të shpërbëhet deri në vitin 2033.

Këshilli Atlantik tha gjithashtu se evropianët janë veçanërisht pesimistë për rënien e Rusisë, me 49 për qind që parashikojnë se kjo do të ndodhë.

MARKETING