Struga deklason Bashkimin, Sileksi fiton ndaj Arsimit

Struga Trim Lum vazhdon serinë pozitive në kampionat, duke shënuar një fitore të thellë 5:0 ndaj Bashkimit të Kumanovës në kuadër të xhiros së katërt të elitës, raporton SHENJA.

Skuadra strugane dominoi ndeshjen si mysafire ndaj një kundërshtari të sapokthyer në ligën e parë dhe me këtë start mbresëlënës po konfirmon pretendimet për titull. Dy gola të Kampaores, si dhe realizimet nga Radeski, Shabani dhe Maleski, vulosën një fitore bindëse për Strugën.

Në një tjetër përballje, Sileksi mori tri pikë të rëndësishme duke mposhtur Arsimin e Çegranit me rezultatin minimal 1:0. Golin e vetëm të ndeshjes e realizoi Mirçevski në minutën e 17-të.

Xhiroja e katërt do të përmbyllet të dielën me tri sfida interesante: Rabotniçki – Shkëndija, Tikveshi – Brera dhe Makedonija Gjorçe Petrov – Pelisteri. /SHENJA/

MARKETING