SPAK zbarkon në banesën e Erion Veliajt, kryejnë kontroll në kuadër të hetimit të një rasti

Prokuroria e Posaçme ka reaguar në lidhje me paraqitjen e agjentëve të Byrosë Kombëtare të Hetimit në banesën e kryebashkiakut të Tiranës, Erion Veliaj.

Përmes një komunikate për mediat, SPAK bën me dije se veprimet hetimore janë ndërmarrë në kuadër të një procedimi penal ndaj kryebashkiakut.

Megjithatë, organi i akuzës shfaqet shumë i rezervuar, duke thënë se nuk mund të japë detaje të hollësishme pasi çështja është duke u hetuar.
“Prokuroria e Posaçme kundër Korrupsionit dhe Krimit të Organizuar informon se janë ndërmarrë disa veprime hetimore në kuadër të një procedimi penal. Duke qenë se hetimi ndodhet ende në fazën paraprake, nuk mund të publikojmë të dhëna apo informacion të mëtejshëm në këtë moment. Faleminderit për mirëkuptimin”, thuhet në njoftimin e SPAK.

Kujtojmë se agjentët e BKH shkuan në banesën e Veliajt, ku me vendim të Gjykatës i sekuestruan aparatin celular bashkëshortes së Veliajt, Ajola Xoxës, në kuadër të hetimit pasuror të nisur nga SPAK.

MARKETING