Lufta në Iran, Kryetari i Parlamentit iranian: Ngushtica e Hormuzit nuk do të jetë e njëjtë si më parë

Kryetari i Parlamentit iranian, Mohammad Baqer Qalibaf, ka deklaruar se bombat dhe avionët luftarakë të Shteteve të Bashkuara nuk mund të shkatërrojnë objektet e armëve të Iranit dhe sugjeroi se nuk kishte asnjë zgjidhje në horizont për krizën e Ngushticës së Hormuzit.

MARKETING

Në një intervistë, Qalibaf tha se rruga ujore, jetike për furnizimin global me naftë, mbeti nën kërcënim për shkak të pranisë amerikane dhe izraelite në rajonin e Gjirit.

“Ngushtica e Hormuzit nuk mund të jetë e njëjtë si më parë dhe të kthehet në kushtet e saj të mëparshme”, tha Qalibaf, duke shtuar se nuk ka më siguri.

Instalimet ushtarake të Iranit janë shënjestruar rëndë nga sulmet amerikane dhe izraelite që nga fillimi i luftës, por Qalibaf tha se Irani ka mësuar nga lufta 12-ditore e vitit të kaluar dhe ka ndryshuar sistemet e tij dhe dizajnin e lëshuesve të raketave.

“Ata mendojnë se mund t’i shkatërrojnë objektet tona me bombardues, por nuk e dinë që dizajni ynë ka ndryshuar plotësisht”, tha Qalibaf.

Ai përsëriti se Irani nuk do të dorëzohet kurrë dhe as nuk do t’i nënshtrohet forcës.

“Qëllimi i vetëm i arritur nga SHBA-të dhe Izraeli ishte vrasja e ish-Udhëheqësit Suprem Ali Khamenei,” tha Qalibaf teksa shtoi se sistemi nuk u përmbys dhe Khamenei i ri erdhi për ta zëvendësuar atë.

MARKETING