Shokohet Barcelona, mposhtet në shtëpi nga Las Palmas

Barcelona ka pësuar humbje me rezultat 2-1 në shtëpi ndaj Las Palmas në kuadër të javës së 15-të në elitën e futbollit spanjoll.

Rasti i parë në këtë ndeshje i takoi vendasve të cilët iu afruan seriozisht golit në minutën e gjashtë përmes Fermin Lopez, gjuajtja e të cilit u prit nga Jasper Cillessen.

Një tjetër rast të mirë shënimi e pati edhe Raphinha në minutat e fundit të pjesës së parë, duke goditur traversën.

Në pjesën e dytë pas një kundërsulmi ‘vrasës’, mysafirët kaluan në avantazh përmes Sandro Ramirez i cili në minutën e 54-të shënoi për 1-0.

Barcelona reagoi në minutën e 61-të duke barazuar shifrat në 1-1 përmes Raphinhas i cili shënoi pas asistimit të Pedrit.

Sidoqoftë, Las Palmas ia doli ta gjejë portën edhe një herë tjetër duke shënuar kësaj radhe me Fabio Silvan në minutën e 67-të për rezultatin 2-1.

Me këtë humbje Barcelona tashmë shkon në tri ndeshje radhazi pa fitore në kampionatin spanjoll duke i dhënë Real Madridit mundësinë që ta ‘rrëmbejë’ kreun.

Barcelona pas javës së 15-të vazhdon si lider me 34 pikë të grumbulluara, katër më pak se Real Madridi në vendin e dytë që ka 30 sosh dhe nëse fiton nesër (e diel) ndaj Getafes dhe ndeshjen më pak ndaj Valencias, do të bëhet lider i tabelës./Telegrafi/

MARKETING