Shifrat/ Levandovski nuk zhgënjen te Barcelona, kalon me sukses provën e zjarrit

Levandovski nuk zhgënjen… 101 gola në tri sezone me Barcelonën, ky është sezoni i tij më i mirë me 42 gola që tregojnë se skuadra ka punuar, se ai ka shkelur më shumë në zonën e kundërshtarit dhe se niveli i tij i efektivitetit është pothuajse në nivelet e viteve të tij më të mira te Bajerni.

Me Flik në stol, Levandovski e nisi sezonin në La Liga, duke shënuar dy gola në Valencia dhe e mbylli kampionatin me dy gola në Bilbao. Nga java e parë deri në atë të 38-të, ai ishte protagonist në moshën 36-vjeçare. Dhe nga 24 lojtarët e përdorur nga Flik, (19 prej tyre kanë shënuar), “vrasësi” polak është ai që ka pasur nevojë për më pak minuta për të shënuar një gol. Sulmuesi ka shënuar një gol çdo 93 minuta e gjysmë. Praktikisht, një gol për ndeshje.

Statistikat, ja çfarë janë, flasin për mesataret. Në fakt, Levandovski ka shënuar në 27 nga 52 ndeshjet që ka luajtur. Çështja është se në 11 nga ndeshjet që ai ka shënuar, polaku ka gjetur dy herë portën rivale. Dhe, vetëm një herë këtë sezon, ai shënoi një tregolësh, në fitoren 3-0 kundër Alavesh. Lojtari i dytë që mori më pak kohë për të shënuar ishte Ferran Torres. Ai shënoi 19 gola, ndërsa luajti shumë më pak minuta se shokët e tij të ekipit. Ai shënoi një gol çdo 101 minuta.

Në rastin e tij duhet pasur kujdes, sepse 9 nga 19 golat e tij u shënuan duke ardhur nga stoli! I treti në podium meriton një shënim: Pablo Torre. Në pak më shumë se 400 minuta, katër gola. Ai nuk do të ketë mungesë ofertash nga ekipet e Primera Division për të shfaqur talentin e tij. I katërti, Rafinja, shënoi një gol çdo 137 minuta, duke qenë lojtari në skuadër që kaloi më shumë kohë në fushë: 4,661 minuta.

MARKETING