SHBA-ja po shqyrton mundësinë për ndalimin e dërgesave të armëve në Izrael
![SHBA-ja po shqyrton mundësinë për ndalimin e dërgesave të armëve në Izrael](https://shenja.tv/wp-content/uploads/2024/01/netanjahu-1.png)
Sipas burimeve nga tre zyrtarë amerikanë, SHBA po shqyrton mundësinë e ngadalësimit ose ndalimit të dërgesave të armëve në Izrael.
Ky veprim i amerikanëve vjen si një mjet për të bindur kryeministrin izraelit, Benjamin Netanyahu, të zvogëlojë ofensivën në Gazë.
Gjithashtu, SHBA shpreson se ky veprim do të ndikonte që Izraeli të ndërmarrë veprime si hapja e korridoreve humanitare, gjë që do të ulte numrin e viktimave, raporton skynews, transmeton telegrafi.
Bëhet e ditur se Pentagoni po e shqyrton këtë mundësi, por ende nuk është marrë asnjë vendim.
Ndryshe, që nga fillimi i luftës Uashingtoni ka furnizuar izraelitët me raketa, municione dhe sisteme të ndryshme për mbrojtje ajrore.
Së fundmi, negociatorët amerikanë po punojnë drejt një marrëveshjeje të mundshme sipas së cilës Izraeli do të ndalonte operacionet ushtarake kundër Hamasit për dy muaj.