SHBA, dy ndihmës sherifë u qëlluan me armë zjarri ndërsa po kryenin një urdhër arresti
Dy ndihmës sherifë të Kentucky-t në SHBA u plagosën dhe u shtruan në spital të enjten vonë pasi u qëlluan ndërsa përpiqeshin të kryenin një urdhër arresti, raportoi WLWT, degë e NBC-së, transmeton Anadolu.
Incidenti ndodhi rreth orës 22:00 sipas orës lokale të enjten kur oficerët mbërritën në një rezidencë në qytetin Walton në shtetin amerikan të Kentucky-t për të ekzekutuar një urdhër arresti në lidhje me mbështetjen e papaguar për fëmijë në total prej 14 mijë dollarësh.
Me të tentuar të hynin në shtëpi, ndihmës sherifët u përballën me të shtëna intensive nga brenda shtëpisë.
Të dy oficerët u transportuan në mjediset mjekësore në gjendje të qëndrueshme. Burimet i thanë agjencisë së lajmeve se njëri prej tyre pësoi lëndime në gjoks ndërsa tjetri u plagos në këmbë.
Të shtënat shkaktuan reagim emergjent në shkallë të gjerë ndërkaq ekipet SWAT (Armë dhe Taktika Speciale) dhe agjenci të shumta të zbatimit të ligjit iu përgjigjën vendit të ngjarjes.
Policia tha se po e vlerëson situatën si një skenar “me rrezik të lartë”, duke përdorur dronë dhe teknologji të tjera. Banorët e afërt u evakuuan nga shtëpitë e tyre si masë paraprake.
I dyshuari i armatosur u fsheh brenda banesës ndërsa oficerët e specializuar përpiqeshin të negocionin. Autoritetet raportuan më vonë se i dyshuari vdiq në vendngjarje pasi kreu vetëvrasje pas një shkëmbimi zjarri me policinë.
MARKETING
