Seanca e parë e Gjykatës Kushtetuese në vitin e ri

Gjashtë iniciativa për vlerësimin e kushtetutshmërisë dhe ligjshmërisë dhe dy kërkesa për mbrojtjen e lirive dhe të drejtave janë në rendin e ditës të seancës së parë të sotme të Gjykatës Kushtetuese në vitin e ri.

Në seancën e sotme janë nismat për nenet 75-gj, 76-d, 78 dhe nenin 78-a të Kodit zgjedhor.

Sipas parashtruesit të nismës, dispozitat e neneve 75-gj, 76-d të Kodit zgjedhor, të cilat rregullojnë çmimet e reklamave politike me pagesë në media dhe mënyrën e pagesës së fondeve, favorizojnë katër parti politike, të cilat kërcënojnë drejtpërdrejt pluralizmi politik. Në këtë nismë theksohet se në këtë mënyrë diskriminohen kandidatët me bindje të ndryshme politike dhe u mohohet qasja e barabartë në mjetet e informimit publik, si dhe në mjetet nga Buxheti që janë ndarë për këtë qëllim. Parashtruesi i iniciativës konsideron se dispozitat ligjore të kontestuara kërcënojnë parimin themelor kushtetues të barazisë dhe se ato dispozita sjellin disproporcionalitet në konkurrencën politike.

Në rend dite ndër të tjera është edhe iniciativa e paraqitur për nenin 205 të Ligjit për marrëdhëniet e detyrimeve.

Theksohet se është e nevojshme që dispozita e kontestuar e Ligjit të shqyrtohet në kontekstin e dispozitave që kanë të bëjnë me rregullat e kthimit në rast të “fitimit pa bazë” dhe në lidhje me kompensimin e dëmit, gjegjësisht kompensimin e drejtë në rastet e lëndimit trupor, dëmtim shëndetësor ose vdekje sipas atij ligji.

MARKETING