Rusia konfirmon se Stambolli mbetet vendi i bisedimeve të paqes me Ukrainën

Zëdhënësja e Ministrisë së Punëve të Jashtme të Rusisë, Maria Zakharova, ka konfirmuar se Stambolli mbetet vendi i negociatave të paqes midis Moskës dhe Kievit.

Duke iu përgjigjur pyetjes nga Anadolu në një konferencë për media në Moskë, Zakharova tha se koha e raundit të ardhshëm do të përcaktohet nga krerët e delegacioneve.

“Ne nisemi nga supozimi se Stambolli mbetet vendi i takimit. Sa i përket datës së raundit të ardhshëm të negociatave të drejtpërdrejta ruso-ukrainase, ajo do të përcaktohet nga krerët e delegacioneve”, tha Zakharova.

Ajo gjithashtu falënderoi Turqinë për mikpritjen dhe lehtësimin e vazhdueshëm të procesit të negociatave.

Pas dy raundeve të negociatave në Stamboll, në muajt maj dhe qershor, Rusia dhe Ukraina ranë dakord për një shkëmbim të të burgosurve bazuar në formulën “një mijë për një mijë”, si dhe për kthimin e ushtarëve të sëmurë rëndë dhe të rinj nën moshën 25-vjeçare.

Në një deklaratë tjetër, zëdhënësi i Kremlinit, Dmitry Peskov, tha se pas përfundimit të të gjitha procedurave që lidhen me shkëmbimin e të burgosurve sipas marrëveshjes së Stambollit, do të jetë “koha për të përcaktuar datat për raundin e tretë”.

MARKETING