Rikthim i çmendur i Alcaraz për ta fituar French Open, në një ndeshje historike e cila zgjati më shumë se pesë orë

Në finalen e dytë të paharrueshme mes numrit 1 dhe numrit 2 në renditjen botërore sot (e diel) në Roland Garros, kampioni në fuqi Carlos Alcaraz u rikthye për të mposhtur rivalin e tij italian, Jannik Sinner, me rezultat 4-6, 6-7 (7-4), 6-4, 7-6 (7-3), 7-6 (10-2) për të fituar titullin e pestë në Grand Slam.

Spanjolli 22-vjeçar arriti të kthehej nga disavantazhi me dy sete për herë të parë në karrierë dhe mbeti i pamposhtur në finale të Grand Slam-eve.

Me një kohë prej më shumë se pesë orësh e 25 minutash, kjo ishte finalja më e gjatë në historinë e French Open në epokën Open, dhe finalja e dytë më e gjatë në të gjitha Grand Slam-et për meshkuj.

Alcaraz, i vendosur si numri dy i renditjes, shpëtoi tre pika në setin e katërt për të çuar ndeshjen në setin e pestë vendimtar.

Sinner, 23 vjeç, me tre trofe Grand Slam në koleksion, e ndërpreu një seri fitoreje prej 20 ndeshjesh në turnet e mëdha, që nisi që nga US Open i vitit të kaluar.

Ai nisi vitin duke fituar Australian Open, por më pas u pezullua për tre muaj në një marrëveshje me Agjencinë Botërore Antidoping.

MARKETING