Protestuesit mbushin sërish rrugët e Londrës duke kërkuar ndalimin e sulmit izraelit ndaj Gazës
Dhjetra mijëra protestues marshuan sot sërisht në qendër të Londrës, ashtu si në qytetet e tjera kryesore të Britanisë, që kanë parë zemërim të thellë për veprimet e ushtrisë së Izraelit ndaj qytetit të Gazës.
Autoritetet thanë se rreth njëmijë oficerë anti-terrori monitoronin marshimin për të parë nëse shpaloseshin simbole të Hamas ose Hezbollah, që janë ndaluar nga autoritetet në Britani.
Ata thanë se do të lejonin në fjalime brohorimën e përdorur nga Organizata për Çlirimin e Palestinës, “nga lumi deri te deti, Palestina do të jetë e lirë”.
Turmat në Londër mbanin flamurë palestinezë teksa pjesëmarrësit kërkonin që Izraeli të ndalonte izolimin e Gazës dhe sulmet që kanë vrarë më shumë se 4,000 palestinezë, si dhe kanë detyruar rreth 1 milionë prej tyre të largohen nga shtëpitë.
Para marshimit zyrtarët nxitën demonstruesit të kishin parasysh ndjenjat e komunitetit hebre britanik.
Ata shtonin se shumica e protestës u zhvillua pa incindente por kishte pasur “disa xhepa trazirash të rendit dhe përdorim i gjuhës së urrejtjes”.
Në Gjermani zyrtarët në Berlin vendosën paraprakisht ndalim të marshimeve pro-Palestinës të planifikuara për nesër, ndërsa kanë lejuar një demonstratë në mbështetje të Izraelit nesër (e dielë) në kryeqytet.
Protesta të tjera pro-Palestineze u zhvilluan sot Romë, Sydney, Washington, D.C., në Amman të Jordanisë, në Beirut dhe në shumicën e vendeve muslimane si Marok, Turqi, Malajzi e Bangladesh.
MARKETING
