Protestat e dhunshme në Brazil, akuzohen 39 persona për grusht shteti pas sulmit në ndërtesat qeveritare

Protestat e dhunshme në Brazil, akuzohen 39 persona për grusht shteti pas sulmit në ndërtesat qeveritare

Zyra e Prokurorit të Përgjithshëm të Brazilit ka paraqitur akuzat e para kundër disa prej mijëra njerëzve për të cilët autoritetet thonë se sulmuan ndërtesat qeveritare në një përpjekje për të përmbysur humbjen e ish-presidentit Jair Bolsonaro në zgjedhjet e tetorit.

Prokurorët në grupin e formuar së fundmi për të luftuar aktet antidemokratike kanë kërkuar gjithashtu që 39 të pandehurit që dyshohet se plaçkitën ndërtesën e kongresit brazilian të burgosen si masë parandaluese dhe 7.7 milion dollarë të aseteve të tyre të ngrihen për të ndihmuar në mbulimin e dëmeve.

Të pandehurit janë akuzuar për shoqërim të armatosur kriminal, përpjekje të dhunshme për të përmbysur shtetin ligjor demokratik, organizim të një grushti shteti dhe dëmtim të pronës publike, ka deklaruar zyra e prokurorit të përgjithshëm ditën e djeshme. Identiteti i tyre ende nuk është bërë i ditur.

Më shumë se një mijë njerëz u arrestuan në ditën e trazirave të 8 janarit.

 

 

Rebelët “u përpoqën, me përdorimin e dhunës dhe kërcënimit serioz, të shfuqizojnë sundimin demokratik të ligjit, duke parandaluar ose kufizuar ushtrimin e pushteteve kushtetuese. Objektivi përfundimtar i sulmit ishte instalimi i një regjimi alternativ qeveritar”, sipas një fragmenti të akuzave të përfshira në një deklaratë.

Protestuesit nuk janë akuzuar për terrorizëm sepse sipas ligjit brazilian një akuzë e tillë duhet të përfshijë ksenofobinë ose paragjykimin e bazuar në racë, etni ose fe.