Presidenti bullgar kritikon qëndrimin e qeverisë për dërgimin e armëve në Ukrainë

Presidenti bullgar Rume Radev kritikoi qëndrimin në rritje pro-ukrainas të qeverisë mes raportimeve se vendi po përgatitet të dërgojë një grup të ri ndihme ushtarake në Ukrainë.

“Mendoj se është koha e fundit që të fillojmë të mendojmë me maturi dhe objektivitet për luftën e Ukrainës dhe qëndrimin tonë ndaj saj”, ka thënë Radev, raportoi agjencia shtetërore e lajmeve BTA.

Duke kujtuar komentet e sekretarit britanik të mbrojtjes Ben Wallace se “Mbretëria e Bashkuar nuk është një depo e Forcave të Armatosura të Ukrainës”, Radev ka thënë se zyrtarët e qeverisë bullgare “duhet të ndalojnë ta shohin ushtrinë bullgare dhe arsenalin e saj si depo të një ushtrie të huaj”.

Duke theksuar se qeveria bullgare po përpiqet të bindë publikun se dërgimi i ndihmës ushtarake në Ukrainë kontribuon në sigurinë e vendit, Radev pohoi se rritja e furnizimeve me armë për Ukrainën, fatura e së cilës paguhet nga Evropa, vetëm sa do të nxiste dhe do të zgjaste luftën.

MARKETING