Presidenti brazilian Lula da Silva: Putini nuk do të arrestohet në Brazil
Presidenti i Brazilit, Luiz Inacio Lula da Silva tha se homologu i tij rus Vladimir Putin nuk do të arrestohet nëse ai merr pjesë në takimin e G20 në Rio de Zhaneiro vitin e ardhshëm, transmeton Anadolu.
“Jo, ai nuk do të arrestohet”, tha Lula në një intervistë të shtunën për uebsajtin indian të lajmeve “Firstpost”.
“Nëse unë jam presidenti i Brazilit, nëse ai vjen në Brazil, nuk ka mundësi të arrestohet”, tha Lula da Silva.
Gjykata Ndërkombëtare Penale (GJNP) lëshoi një urdhër arresti për Putinin në mars, duke e akuzuar atë për dëbimin e paligjshëm të qindra fëmijëve nga Ukraina. Moska i ka hedhur poshtë akuzat.
Putin humbi Samitin e liderëve të G20 në New Delhi, ku India ia dorëzoi kryesimin Brazilit. Putin humbi gjithashtu Samitin e BRICS në Johannesburg të Afrikës së Jugut muajin e kaluar.
Brazili është nënshkrues i Statutit të Romës që çoi në themelimin e GJNP-së.
Vendet më të pasura të botës miratuan një deklaratë të shtunën që shmangte dënimin e Rusisë për luftën në Ukrainë, por u kërkoi të gjitha vendeve të mos përdorin forcën për të marrë territore.
MARKETING
