Policia Financiare: Jemi përfshirë aktivisht në aksionin e madh për kontrollin e punës së diskotekave dhe lokaleve të natës

Drejtoria e Policisë Financiare është përfshirë aktive në aksionin e gjerë për kontrollin e funksionimit të ambienteve që funksionojnë si kabare, diskoteka dhe klube nate në të gjithë vendin dhe vepron në përputhje me kompetencat e saj ligjore.

Ata shtojnë se të gjitha kapacitetet e Drejtorisë së Policisë Financiare janë vënë në dispozicion për nevojat e këtij aksioni, i cili synon zbulimin e parregullsive dhe aktiviteteve të mundshme të paligjshme në funksionimin e këtyre objekteve, transmeton SHENJA.

“Aksioni ka në fokus përcaktimin e përvetësimit financiar, shmangies së detyrimeve tatimore, funksionimit të paligjshëm dhe parregullsive të tjera në operacionet financiare të hotelerive. Paralelisht me këtë, autoritetet hetimore synojnë të zbulojnë të gjitha aspektet që mund të çojnë në sanksionimin e atyre që nuk respektojnë ligjet dhe rregulloret. Jemi në koordinim të ngushtë me të gjitha institucionet dhe punojmë për heqjen e plotë të të gjitha parregullsive në drejtim të garantimit të respektimit të ligjeve dhe rregulloreve. Ndërmerren të gjitha masat dhe aktivitetet e nevojshme për sanksionimin e çdo lloj parregullsie që do të konstatohet gjatë aksionit”, thuhet në njoftimin e Policisë Financiare.

MARKETING