Një tërmet i fuqishëm godet pranë bregut lindor të Rusisë

Një tërmet me magnitudë 6.6 ballë të shkallës Rihter goditi bregun lindor të Kamçatkas në Rusinë e largët, sipas Qendrës Sizmologjike Mesdhetare Evropiane (EMSC).

Tërmeti goditi në një thellësi prej 100 km (62.13 milje), tha EMSC, përcjell Telegrafi.

Lëkundjet u ndjenë në qytetin e Petropavlovsk-Kamchatsky rreth orës 15:06 me orën lokale të hënën.

Asnjë paralajmërim për cunami nuk është lëshuar nga Sistemi i Paralajmërimit të Tsunamit në SHBA.

Shërbimi gjeofizik i Akademisë së Shkencave Ruse tha se tërmeti ishte 6.9 ballë dhe goditi afër gjirit Avacha në bregun juglindor të Gadishullit Kamçatka.

Ky ishte tërmeti i dytë në rajonin e Kamçatkas brenda një muaji, pasi një tërmet 6.1 goditi bregdetin jugor të Gadishullit Kamçatka më 8 mars. /Telegrafi/

MARKETING