Netanyahu refuzon ofertën për armëpushim në Gaza, thotë se është “shumë larg” nga kërkesat e Izraeli

Kryeministri izraelit, Benjamin Netanyahu, ka hedhur poshtë publikisht propozimin e armëpushimit të Gazës të pranuar nga grupi palestinez Hamas, i cili dje tha se ka pranuar një armëpushim të propozuar nga Katari dhe Egjipti, transmeton Anadolu.

“Izraeli nuk mund të pranojë një propozim që rrezikon sigurinë e qytetarëve tanë dhe të ardhmen e vendit tonë”, tha Netanyahu në një video-mesazh.

Ai pretendoi se “propozimi i Hamasit” kishte për qëllim “të sabotojë hyrjen e forcave tona në Rafah”.

“Kjo nuk ndodhi,” tha ai, duke këmbëngulur se propozimi ishte “shumë larg nga kërkesat jetike të Izraelit”.

“Brenda pak orësh, forcat tona ngritën flamujt izraelitë në vendkalimin Rafah dhe rrëzuan flamujt e Hamasit. Ne kemi vërtetuar tashmë se presioni ushtarak ndaj Hamasit është një kusht i domosdoshëm për kthimin e pengjeve tona”, tha Netanyahu.

Më herët, ushtria izraelite se brigada 401 e saj ka marrë kontrollin e anës palestineze të kalimit Rafah në Gazën jugore.

Kalimi kufitar Rafah është një rrugë jetike për ndihmën humanitare në Rripin e Gazës, që ka qenë nën një rrethim gjymtues izraelit që nga 7 tetori i vitit të kaluar duke e lënë popullsinë e territorit në prag të urisë.

Dje, forcat izraelite lëshuan urdhra evakuimi për palestinezët në pjesën lindore të qytetit Rafah, një lëvizje që konsiderohet gjerësisht si një fillim i sulmit të paralajmëruar të Izraelit ndaj qytetit, ku strehohen rreth 1.5 milionë palestinezë të zhvendosur.

Izraeli ka goditur Rripin e Gazës në shenjë hakmarrjeje për një sulm të Hamasit më 7 tetor, në të cilin sipas Tel Avivit u vranë rreth 1.200 njerëz. Të paktën 34.800 palestinezë janë vrarë që atëherë në Gaza, shumica dërrmuese e të cilëve gra dhe fëmijë, si dhe mbi 78.100 të tjerë janë plagosur.

Izraeli akuzohet për gjenocid në Gjykatën Ndërkombëtare të Drejtësisë, e cila në një vendim të përkohshëm në muajin janar tha se është “besohet” se Izraeli po kryen gjenocid në Gaza, si dhe urdhëroi Tel Avivin të ndalojë akte të tilla dhe të marrë masa për të garantuar ofrimin e ndihmës humanitare për civilët në Gaza.

MARKETING