MPB: Të rrejshme janë alarmet për gjoja mjete shpërthyese të vendosura, përfunduan të gjitha kontrollet e nevojshme

Ministria e Punëve të Brendahme (MPB), ka deklaruar se janë bërë të gjitha kontrollet e nevojshme në lidhje me raportimet e sotme pas mesazheve të pranuara përmes emaileve për kërcënim për gjoja të vendosur bomba në 49 shkolla dhe një institucion rehabilitues në Shkup, si dhe në një shkollë në Prilep, dhe është konstatuar se bëhet fjalë për alarme të rreme.

“Ministria e Punëve të Brendshme njofton opinionin se janë bërë të gjitha kontrollet e nevojshme në lidhje me raportimet e sotme pas mesazheve të pranuara përmes emaileve për kërcën për gjoja të vendosur eksploziv në 49 shkolla dhe në një institut të rehabilitimit në Shkup, si dhe n një shkollë në Prilep, ndërsa është konstatuar se bëhet fjalë për kallëzime të rreme” thonë nga MPB.

Nga atje kanë shtuar se menjëherë pas marrjes së kallëzimeve janë ndërmarrë masat dhe veprimet e duhura nga punonjësit e policisë, janë kryer kontrollet e nevojshme nga ekipet antiterroriste dhe është konstatuar se bëhet fjalë për kallëzime të rreme.

MARKETING