Momenti dramatik pas shpërthimit misterioz të tubacionit të gazit në rajonin e pushtuar në Ukrainë – Rusia fajëson “sabotatorët”
Disa pamje të publikuara thuhet se tregojnë një shpërthim gazsjellësi në rajonin e pushtuar nga Rusia të Luhansk – pas një serie zjarresh misterioze.
Sipas mediave të huaja, përcjell Telegrafi, shpërthimi në tubacionin ukrainas, që aktualisht operohet nga rusët, më 7 janar rezultoi në ndërprerjen e gazit në më shumë se 13,000 shtëpi.
Dhe pamjet treguan zjarrin që shpërtheu nëpër objekt duke dërguar tym të zi që ngrihej në qiell.
Siç raportohet, gjithsej 25 punëtorë u evakuuan ndërsa shërbimet e urgjencës morën pjesë dhe “fikën zjarrin”.
Nuk ka raportime për viktima, por një numër i ambulancave janë thirrur në vendngjarje.
❗️The Lugansk oil base now#Ukraine #Russia #Kyiv #Odessa #Kharkiv #TPYXA #TPYXAEnglish pic.twitter.com/55oxBUcNeK
— ТРУХА⚡️English (@TpyxaNews) March 7, 2022
Ministria e Situatave të Emergjencave të rajonit të aneksuar tha se një shpërthim kishte shkaktuar incidentin.
Nuk është e qartë se kush ishte pas shpërthimit, por Ministria ruse e Sigurimit të Shtetit ka hapur një çështje penale për “sabotim për shkak të shpërthimit të një gazsjellësi”.
Ndryshe, ka pasur një valë zjarresh të pashpjegueshme – ndonjëherë të shkaktuara nga shpërthime – në territorin rus dhe zonat e pushtuara.
Dhe disa nga incidentet shihen si të shkaktuara nga sulme sabotazhi nga individë ose grupe kundër luftës – ose skuadra të dërguara nga Ukraina brenda territorit të kontrolluar nga Rusia. /Telegrafi/
MARKETING
