Modriq, gati të bëhet aksionar në ekipin anglez që garon në Championship

Luka Modrić, legjenda e Real Madridit dhe fitues i “Topit të Artë”, do të bëhet aksionar i ri minoritar i Suonsi Siti. Marrëveshja është arritur, 39-vjeçari kroat do të bashkohet me grupin amerikan që ka në pronësi klubin anglez të futbollit, për të ndihmuar në projektin ambicioz: rikthimin e Suonsit në Premier Ligë.

Ky angazhim i ri nuk ndikon aspak në karrierën e tij si lojtar aktiv. Modrić dëshiron të vazhdojë të luajë për Real Madridin, madje ka statistika më të mira sportive këtë sezon, krahasuar me të kaluarin. Ai është një nga lojtarët më të respektuar në botë, i duartrokitur nga çdo tifozëri, kudo që luan.

Tani po shfaqet edhe si një figurë e rëndësishme jashtë fushës së blertë. Nëse kjo negociatë realizohet zyrtarisht, do të jetë një nga lëvizjet më të papritura e interesante të vitit. Një super yll futbolli që zgjedh një klub modest si Suonsi për të investuar dhe ndërtuar diçka të madhe.

MARKETING