Milan merr një fitore komode në udhëtim ndaj Empolit

Milan ka shënuar fitore me rezultat 2-0 në udhëtim ndaj Empolit në kuadër të javës së 24-të në elitën e futbollit italian.

Të parët që rrezikuan ishin vendasit të cilët në minutën e 33-të përmes Lorenzo Colombos e goditën shtyllën e majtë të Maignan.

Në minutën e 55-të, ‘Rossonerët’ morën një goditje të rëndë pasi Fikayo Tomori u ndëshkua me karton të kuq duke lënë ekipin me një lojtar më pak në fushë.

Megjithatë, numri i lojtarëve në fushë u barazua në minutën e 65-të kur Lucia Marianucci i Empolit u përjashtua po ashtu nga loja me karton të kuq.

Po luhej minuta e 68-të kur Milani arriti të kalojë në epërsi përmes Rafael Leaos i cili shënoi me kokë për rezultatin 1-0.

Për t’i shuar përfundimisht shpresat e Empolit për ndonjë rezultat pozitiv u përkujdes Santiago Gimenez.

Blerja e re e Milanit shënoi në minutën e 76-të për rezultatin 2-0 në atë që ishte goli i tij i parë me fanellën kuq e zi.

Me këtë fitore ata tashmë janë pozicionuar në vendin e tetë në tabelë me 38 pikë të grumbulluara, por ende larg objektivave të klubit./Telegrafi/

MARKETING