Mickoski: Në katër vitet e fundit, Maqedonia ka humbur më shumë se 33.000 banorë
Kryeministri Hristijan Mickoski mbajti një fjalim në eventin “Trendet Demografike, Sfidat dhe Zgjidhjet e Mundshme”, dhe tha se vitet e fundit kanë lindur më pak fëmijë dhe po vdesin më shumë njerëz, dhe se si qeveri do të luftojnë kundër këtij problemi.
“Po lindin më pak fëmijë, popullsia po plaket dhe të rinjtë po kërkojnë një jetë më të mirë jashtë vendit. Të gjithë e kanë këtë problem, por në vendin tonë situata është e veçantë. Ndërsa disa vende e shënojnë si një trend, në vendin tonë konsiderohet alarm.
Faktet janë të qarta. Në vitin 2024, lindën 16.061 fëmijë, ndërsa vdiqën 20.201 persona. Kjo është një rënie natyrore prej 4.140 personash vetëm në një vit.
Në katër vitet e fundit, kemi humbur më shumë se 33.000 banorë, sikur një qytet si Kavadari ose Kërçova të ishte zhdukur.
Shkalla e lindjeve ra nga 12.5% në vitin 2010, në 8.8 në vitin 2024. Në shumë komuna dhe fshatra nuk ka më as klasë të parë. Gjithnjë e më shumë njerëz jetojnë vetëm, gjithnjë e më pak martohen, gjithnjë e më pak fëmijë lindin. Këto nuk janë vetëm numra, kjo është një heshtje që po përhapet.
Kur thanë se po shkatërrojnë themelet, nuk kishim parasysh vetëm korrupsionin dhe mosrealizimin e projekteve, këtu nënkuptuam edhe shkatërrimin e familjes, dëbimin. Prandaj themi se kjo qeveri nuk po hesht për problemin, e njeh dhe po e lufton atë. Kjo nuk është një luftë me një ministri, është një luftë e të gjithëve neve. Kjo është një luftë që po zhvillohet në çerdhe, në shkolla, në shtëpi, në pikat kufitare ku prindërit janë të ndarë nga fëmijët e tyre”, tha Mickoski.
Ai gjithashtu njoftoi se po mendojnë për vendosje të tatimit shtesë për personat e pamartuar.
“Këtu seriozisht mendojmë për vendosjen e tatimeve shtesë për të pamartuarit. Të nderuar, nuk ka asgjë më të shenjtë se jeta, dhe nuk ka asgjë më të trishtë nga ajo që sot shteti ynë ngadalë po zbrazet. Por gjithashtu, nuk ka asgjë më të guximshëm sesa populli që zgjohet. Për këtë themi, koha është për të ardhmen, për shtetin ku do të lindin më tepër fëmijë. Këtë e kemi imperativ kryesor, më shumë të rinj të hyjnë në martesë dhe të lindin më tepër fëmijë”, deklaroi Mickoski.
MARKETING
