Mickoski: Fillojmë me projektin për fazën e tretë të hekurudhës drejt Bullgarisë

Kryeminsitri Hristijan Mickoski deklaroi se faza e tretë e hekurudhës drejt Bullgarisë është në proces zhvillimi dhe që me këtë Korridori 8 do të jetë plotësisht i realizuar.

“Kjo do të ketë rëndësi të madhe për ne si shtet, për Maqedoninë në tërësi, sepse në këtë mënyrë do ta konfirmojmë atë synimin tonë, e ai është të jemi nyje lidhëse e dy korridoreve panevropiane shumë të rëndësishme, Korridorit 10 dhe Korridorit 8”, tha Hristijan Mickoski, kryetar i Qeverisë së Republikës së Maqedonisë së Veriut, duke iu përgjigjur pyetjes gazetareske se deri ku janë përgatitjet procesuale për fazën e tretë të ndërtimit të hekurudhës.

“Faza e tretë është në proces zhvillimi, do të thoja. Me rëndësi është që të gjitha ato pengesa që ndodhnin në të kaluarën janë tejkaluar. Është arritur marrëveshje me fqinjin tonë lindor. Pjesa jonë do të thoja, me vendimin e Qeverisë për aktivizimin e grantit, që nënkupton mbështetje teknike nga Banka Evropiane e Investimeve, do të thotë se edhe ne po fillojmë me këtë projekt. Mbështetja teknike nënkupton rishikimin e projektit themelor, rishikimin e të gjithë dokumentacionit dhe më pas shpalljen e thirrjes publike për ndërtimin e fazës së tretë, me çka praktikisht do ta përmbyllim të gjithë segmentin i cili është pjesë e Korridorit 8, nga Kumanova deri në kufi me Bullgarinë”, deklaroi kryeministri Mickoski.

Nga ana tjetër, gjithashtu, procesi përparon mirë, kështu që me këtë Korridori 8 do të jetë plotësisht i realizuar.

“Korridori 10, siç e dini, është pjesë e projektit që e kemi me Qeverinë e Mbretërisë së Bashkuar dhe aty jemi në fazë të avancuar. Prandaj lajme të mira, momente të mira do të ketë për Maqedoninë dhe qytetarët në periudhën që vijon,” theksoi Mickoski.

MARKETING