Mexhiti: Çdo lagje e Çairit do të përfshihet në hartën e investimeve infrastrukturore
Kandidati i VLEN për Komunën e Çairit, Izet Mexhiti, ka vizituar lagjen Gazi Babë ku po zhvillohen punime në Rrugën Jashar Erebara, një projekt me vlerë afro 3 milionë denarë. Punimet përfshijnë ndërrimin e rrjetit të ujësjellësit, kanalizimin atmosferik dhe fekal, ndriçimin modern dhe asfaltimin e rrugës pas përfundimit të fazës nëntokësore.
“Kjo është dëshmia më e mirë se vizioni ynë për Çairin është i qartë: çdo lagje, pa përjashtim, duhet të ketë infrastrukturë funksionale dhe kushte dinjitoze jetese,” deklaroi Mexhiti gjatë vizitës.
Ai shtoi se këto investime po realizohen në mënyrë të koordinuar me Komunën, Ministrinë e Mjedisit Jetësor dhe Qeverinë, duke theksuar se “Çairi ka nevojë për një qasje serioze dhe të planifikuar.”
MARKETING
