Messi: Unë jam 36 vjeç, nuk jam i njëjti lojtar si te Barcelona para disa vitesh

Sulmuesi argjentinas Lionel Messi ka folur për ndryshimin e nivelit të lojës së tij dhe se si ndikoi sezoni i kaluar tek ai.

“Sigurisht, unë jam tashmë 36 vjeç, nuk jam i njëjti lojtar si te Barcelona disa vite më parë.

Viti i parë në Paris ishte shumë i vështirë për mua për arsye të ndryshme. Por këtë sezon u ndjeva shumë më mirë, më i qetë.

Kupa e Botës luajti një rol të rëndësishëm. Fakti që u mbajt në mes të sezonit. Ishte një vit i pazakontë për të gjithë. Disa u kthyen në klub më vonë, si ne, të tjerë morën pushim shtesë, të tjerët u lënduan. Kjo luajti një rol të rëndësishëm dhe ndikoi në planet e lojës së skuadrës, si dhe dëmtimet e disa lojtarëve të rëndësishëm si Neymar.

Kupa e Botës ndikon në shumë gjëra, veçanërisht me një sezon si ky. Ky nuk është justifikim sepse shumë kanë luajtur në Botëror, por në përgjithësi Botërori ka ndikuar në nivelin e lojës në kampionat dhe në Champions. Të gjithë u kthyen ndryshe, megjithëse për arsye të ndryshme”, tha Messi për beIN Sport.

MARKETING