Merr fund gjithçka, Ardon Jashari është futbollist i ri i Milanit – marrëveshja totale mes dy klubeve

Më në fund gjithçka është drejt konkretizimit. Pas gati dy muajsh negociatash, AC Milan ka arritur një marrëveshje me Club Brugge për transferimin e mesfushorit Ardon Jashari.

Futbollisti shqiptar, i lindur në vitin 2002, ka nënshkruar një kontratë pesëvjeçare me kuqezinjtë, e vlefshme deri në qershor të vitit 2030.

Sipas Calciomercato.com, marrëveshja është arritur në ditën kur u prezantua zyrtarisht edhe Luka Modric, i cili iu bashkua Milanit si transfer i lirë nga Real Madridi.

Në të njëjtën ditë, drejtori sportiv i Milanit, Igli Tare, finalizoi një marrëveshje bazë me klubin belg për 33.5 milionë euro plus 4.5 milionë euro bonuse.

Kjo e çon vlerën totale të transferimit në 38 milionë euro, duke e bërë Jasharin një nga blerjet më të shtrenjta të Milanit këtë verë.

Tani mbetet vetëm që të dakordësohen metodat e pagesës mes dy klubeve për ta bërë transferimin plotësisht zyrtar.

MARKETING