Meksika raporton infeksionin e parë të gripit të shpendëve te njerëzit

Autoritetet shëndetësore meksikane raportuan të premten rastin e parë të infeksionit të gripit të shpendëve (H5N1) në veri të Meksikës.

Një vajzë 3-vjeçare nga Durango u dërgua në një spital në shtetin kufitar të Torreon, ku rezultoi pozitive për llojin H5N1 më 1 prill, sipas Institutit për Referencën Diagnostike dhe Epidemiologjike (InDRE).

Gjendja e vajzës është e rëndë dhe aktualisht po trajtohet me oseltamivir.

Ministria e Shëndetësisë njoftoi se ka 40 mijë doza oseltamivir për t’i përballuar rreziqet e mundshme të epidemisë.

Qeveria u bëri thirrje qytetarëve që të kërkojnë kujdes mjekësor nëse kanë simptoma të dyshimta, si kollë, vështirësi në frymëmarrje, dhimbje koke, të vjella, sy të skuqur ose diarre, pas kontaktit me shpendë të sëmurë, të ngordhur ose kafshë të egra.

Autoritetet kanë përjashtuar rrezikun e mundshëm të një epidemie, pasi nuk ka pasur raste të raportuara të transmetimit nga njeriu te njeriu.

MARKETING