Më shumë se 320 mijë refugjatë ukrainas në Çeki

Më shumë se 325.000 refugjatë të luftës nga Ukraina, me status të mbrojtur, janë aktualisht në Çeki, ka thënë Ministria e Brendshme e këtij shteti të mërkurën.

Ata që kanë dëshiruar të qëndrojnë në këtë shtet të Bashkimit Evropian, është dashur të regjistrohen në mënyrë elektronike deri në fund të marsit, ka thënë kjo ministri.

Rezultatet kanë qenë në linjë me vlerësimet paraprake, është thënë në njoftim, shkruan REL.

Rreth 28 për qind e atyre që kanë kërkuar mbrojtje janë fëmijë, derisa 4 për qind janë të moshuar.

MARKETING