Lille refuzon ofertën e Napolit për Zhegrovën, kërkon më shumë

Zhegrova ka munguar në pjesën e dytë të sezonit për shkak të një lëndimi që e la jashtë fushave që nga dhjetori i kaluar. Napoli synon të përfitojë pikërisht nga kjo situatë për të siguruar shërbimet e tij për një çmim më të ulët, por Lille nuk ka ndërmend të lëshojë pe.

Sulmuesi i krahut ka edhe një vit kontratë me klubin francez, por tashmë ka bërë të ditur se nuk do ta rinovojë, duke sinjalizuar një largim të mundshëm në afatin kalimtar të verës.

Në këtë sezon, Zhegrova regjistroi tetë gola dhe dy asistime në 21 paraqitje në të gjitha garat, duke qenë një ndër lojtarët më të dalluar të skuadrës së tij para lëndimit.

Përveç Napolit, interesim për reprezentuesin kosovar kanë shfaqur edhe klube të tjera evropiane, duke paralajmëruar një garë interesante për firmën e tij në muajt në vijim.