Lajçak falenderon Kurtin/ “Jemi gati për një takim të nivelit të lartë”

Lajçak falenderon Kurtin/ “Jemi gati për një takim të nivelit të lartë”

I dërguari i posaçëm i Bashkimit Europian për bisedimet Kosovë – Serbi, Miroslav Lajçak, ka paralajmëruar një takim të ri për gjetjen e një zgjidhjeje në marrëdhëniet mes Prishtinës dhe Beogradit zyrtar.
Në një postim në rrjetet sociale në përfundim të takimeve në Kosovë dhe Serbi, Lajçak vlerësoi pozicionin e kryeministrit Albin Kurti.
“Jam i kënaqur që kosova tani pranoi në parim propozimin. Ne do të vazhdojmë diskutimet në një takim të nivelit të lartë” – nënvizoi i dërguari i posaçëm i Bashkimit Europian.
Prej javësh, Shtetet e Bashkuara dhe Bashkimi Evropian po bëjnë përpjekje për rifillimin e dialogut mes Kosovës dhe Serbisë, për normalizimin e marrëdhënieve ndërmjet tyre.
Këtë radhë, bisedimet bazohen tek propozimi evropian, i cili nuk flet për njohje të ndërsjellët, por thekson se Beogradi e Prishtina nuk do të pengojnë njëra tjetrën në procesin e integrimeve.

MARKETING