Krijohet kundërhelmi universal nga njeriu që u kafshua 200 herë nga gjarpërinjtë

Gjaku i një burri amerikan, i cili qëllimisht i ka injektuar vetes helm gjarpri për gati dy dekada, ka çuar në një antihelm “të pakrahasueshëm”, thonë shkencëtarët.

Antitrupat e gjetur në gjakun e Tim Friede kanë treguar se mbrojnë kundër dozave fatale nga një gamë e gjerë speciesh në testet e zhvilluar në kafshë.

Terapitë aktuale duhet të përputhen me speciet specifike të gjarprit helmues që dikush është kafshuar.

Por misioni 18-vjeçar i z. Friede mund të jetë një hap i rëndësishëm në gjetjen e një antihelmi universal kundër të gjitha kafshimeve të gjarpërinjve – të cilat vrasin deri në 140,000 njerëz në vit dhe lënë shumë njerëz dretj opsionit të amputimeve ose përballjes me paaftësi të përhershme.

Në total, z. Friede ka duruar më shumë se 200 kafshime dhe më shumë se 700 injeksione helmi që ai përgatiti nga disa prej gjarpërinjve më vdekjeprurës në botë, duke përfshirë kobrën, taipanin dhe kraitën.

Fillimisht ai donte të ndërtonte imunitetin e tij për të mbrojtur veten kur prekte gjarpërinjtë, duke dokumentuar shfrytëzimet e tij në YouTube.

Motivimi i z. Friede ishte të zhvillonte terapi më të mira për pjesën tjetër të botës, duke shpjeguar: “Thjesht u bë një stil jetese dhe unë vazhdova të shtyja e të shtyja sa më shumë që munda – për njerëzit që janë 8,000 milje larg meje që vdesin nga kafshimi i gjarprit”.

Antihelmi aktualisht prodhohet duke injektuar doza të vogla helmi gjarpri te kafshët, siç janë kuajt. Sistemi i tyre imunitar lufton helmin duke prodhuar antitrupa dhe këto mblidhen për t’u përdorur si terapi.

MARKETING