Kosovë, komisioni zgjedhor certifikon Listën Serbe për pjesëmarrje në zgjedhjet parlamentare

Komisioni Qendror i Zgjedhjeve (KQZ) i Kosovës ka certifikuar Listën Serbe të marrë pjesë në zgjedhjet parlamentare që do të mbahen në muajin shkurt, transmeton Anadolu.

MARKETING

Vendimi erdhi pasi më herët, Gjykata Supreme e Kosovës doli me aktvendim duke e hedhur poshtë ankesën e partisë në pushtet, Lëvizjes Vetëvendosje, kundër vendimit të Panelit Zgjedhor për Ankesa dhe Parashtresa (PZAP), lidhur me certifikimin e Listës Srpska për zgjedhjet parlamentare.

Më 25 dhjetor, PZAP-ja miratoi ankesën e Listës Serbe, e cila nuk ishte cerifikuar nga Komisioni Qendror i Zgjedhjeve për zgjedhjet e 9 shkurtit të vitit 2025, duke e urdhëruar atë që të lejojë pjesëmarrjen e kësaj partie në zgjedhjet parlamentare.

Në fillim të javës së kaluar, KQZ-ja nuk e certifikoi Listën Serbe. Anëtari i Lëvizjes Vetëvendosjes, Sami Kurteshi kundërshtoi që ta votoi këtë parti, pasi që lëshoi një audio-incizim të kryetarit të listës, Zlatan Elek, ku u dëgjua me thirrje kundër Republikës se Kosovës.

Po ashtu, kryeministri i Kosovës, Albin Kurti, ka thënë se Lista Serbe është pengesa më e madhe e integrimit të serbëve në Kosovë.

Duke folur në një konferencë për media, Kurti ishte shprehur se për aq kohë sa Milan Radoiçiq, ish-nënkryetari i Listës Serbe i akuzuar për terrorizëm, nuk dorëzohet tek autoritet kosovare, Lista Serbe do të jetë krahu i Milan Radoiçiqit.

MARKETING