Kos: BE e shqetësuar për sundimin e ligjit në vendet kandidate

Komisionerja Evropiane për Zgjerimin, Marta Kos, deklaroi sot se Bashkimi Evropian mbetet i shqetësuar për ndërhyrjet në drejtësi, presionin ndaj hetuesve të korrupsionit dhe politizimin e mediave në vendet kandidate për anëtarësim.

Deklarata u bë pas një takimi të Këshillit të Çështjeve të Përgjithshme të BE-së, ku u diskutua raporti i korrikut mbi sundimin e ligjit në Ballkanin Perëndimor.

Ministrja daneze për Çështjet Evropiane, Marie Bjer, theksoi se sundimi i ligjit mbetet vlera më e rëndësishme e BE-së. Në takim morën pjesë përfaqësues nga Shqipëria, Serbia, Mali i Zi dhe Maqedonia e Veriut, të cilët nuk dhanë komente pas diskutimeve.

MARKETING