Kina pranoi të armatoste fshehurazi Rusinë, zbulojnë dokumentet e Pentagonit

Kina pranoi të armatoste fshehurazi Rusinë, zbulojnë dokumentet e Pentagonit

Kina miratoi dhënien e ndihmës vdekjeprurëse për Rusinë gjatë pushtimit të Ukrainës, por dëshironte që çdo dërgesë të mbetej sekrete, sipas dokumenteve të zbuluara të qeverisë amerikane.

Informacionet e inteligjencës amerikane, të datës 23 shkurt, thonë se Pekini kishte miratuar furnizimin me armë të Moskës, të cilat do t’i maskoheshin si mallra, sipas një shkrimi të Washington Post.

Inteligjenca u mblodh nga agjentë amerikanë që përgjonin diskutimet e shërbimit sekret rus, raportoi gazeta. Rusët thanë se komisioni qendror ushtarak kinez dëshironte që dërgesat të mbeteshin sekrete, raporton theguardian.

Dosjet ishin pjesë e një grupi të madh dokumentesh të klasifikuara që u shfaqën në platformën online “Discord”.

Të premten, Jack Teixeira, 21-vjeçari i akuzuar për nxjerrjen e dokumenteve, doli para gjykatësve në Boston.

Zyrtarët amerikanë kanë thënë se dokumentet janë autentike dhe përmbajnë informacione shumë të ndjeshme, edhe pse disa duket se janë përpunuar. /Telegrafi/

 

MARKETING

UniConverter_20230519143422.gif