KF Bashkimi nis përgatitjet dimërore dhe përmbyll listën e lojtarëve

KF Bashkimi nga Kumanova ka nisur zyrtarisht fazën përgatitore për gjysmën e dytë të sezonit, duke kryer matjet antropometrike për lojtarët e tij. Procesi ka zgjatur rreth katër orë dhe është zhvilluar në fushën sportive të Bliznak Sport, falë mbështetjes së pronarit Faruk Aliu, i cili ka ofruar hapësirën falas për klubin.

Klubi ka shprehur mirënjohje për të gjithë ata që kontribuojnë për zhvillimin e Bashkimit, duke vlerësuar ndihmën e njerëzve të mirë që sipas mundësive të tyre mbështesin skuadrën.

Në aspektin e merkatos, Bashkimi ka përmbyllur listën e lojtarëve për këtë periudhë, por ka lënë të hapur mundësinë për një ose dy përforcime të mundshme në ditët në vijim.

Ky është vetëm fillimi i fazës përgatitore, ndërsa klubi zi-gjelbër synon të jetë plotësisht gati për sfidat që e presin në vazhdim. Bashkimi mbetet i përkushtuar për të forcuar pozitat e tij në futbollin vendor, duke ruajtur identitetin e tij dhe duke shpresuar në mbështetjen e komunitetit të Kumanovës.

MARKETING