Janë evakuuar katër shtetas të Maqedonisë nga Sudani

Katër shtetas të Maqedonisë së Veriut janë evakuuar të shtunën nga Sudani i cili që nga 15 prilli është përfshirë në konfliktin e armatosur. Nga Ministria e Punëve të Jashtme in formojnë se evakuimi u krye me ndihmën e Arabisë Saudite, për të cilën ata shprehim mirënjohjentë sinqertë.
Qytetarët e evakuuar të Republikës së Maqedonisë së Veriut aktualisht ndodhen në qytetin Xheda të Arabisë Saudite.

“Ambasada jonë në Abu Dabi është në komunikim të vazhdueshëm me autoritetet atje për kthimin e tyre në Maqedoninë e Veriut. Deri më tani janë evakuuar gjithsej 4879 persona, nga të cilët 139 janë sauditë, ndërsa të tjerët nga 96 vende të botës, duke përfshirë Europën, ShBA-në dhe nga rajoni ynë, përveç Maqedonisë së Veriut, janë edhe Greqia dhe Bosnjë e Hercegovina”, thuhet në njoftimin e MPJ-së.

MARKETING