Ish-kryeministri bullgar: Marrëdhëniet Sofje-Shkup mos të shihen nga perspektiva e një incidenti

Ish-kryeministri i Bullgarisë, Kiril Petkov vlerëson se është e rëndësishme që perspektiva e marrëdhënieve mes dy vendeve të mos lihet vetëm në temën e një incidenti që ka ndodhur. “Në të njëjtën kohë, duke punuar kundër gjuhës së urrejtjes, duhet të hapen tema të tjera – infrastruktura, ekonomia, që marrëdhëniet tona të kenë edhe karakter pozitiv”, ka deklaruar Petkov.

Ai thekson se është keq që për momentin u është lënë hapësirë disa njerëzve, të cilët janë shumë të zëshëm për të përcaktuar dialogun mes dy palëve.

“Është koha për t’u kthyer në aktivitete më pozitive, dhe nga ana tjetër në kuadrin e dhënë nga qeveria jonë – që Evropa të jetë vendi që shtyn të pastrojë gjuhën e urrejtjes”, tha Petkov. /SHENJA/

MARKETING