Inzaghi: Nuk është e lehtë të ndryshosh 10-11 lojtarë, por ky Inter më argëton

Duke folur për “Inter TV”, Simone Inzaghi vlerësoi skuadrën e tij të Interit, e cila mundi 2-0 Cagliari: “Djemtë ishin shumë të mirë. Unë kërkova një ndeshje serioze, të fokusuar dhe menjëherë iu afruam në mënyrën më të mirë të mundshme kundër një skuadre që kishte bërë shumë mirë në fillim. Jam shumë i kënaqur”.

Një rezultat i rëndësishëm, që rrit siguritë e ekipit zikaltër: “Ne vijmë nga një përgatitje e mirë, djemtë punojnë shumë mirë çdo ditë dhe kjo është e rëndësishme. Jemi të kënaqur me dy fitoret e para në kampionat, por e dimë që rruga është e gjatë dhe tejet kërkuese”.

Në stërvitje ai insiston shumë për grintë, ndaj Interi i tij lufton për çdo top: “Kemi pasur një fazë shumë të mirë të moszotërimit, duke luajtur në qendër, nga krahët. Më pëlqyen shumë djemtë”.

Lautaro dhe Thuram kanë luajtur sërish bashkë, ja si i vlerëson trajneri i tyre: “Të dy ishin të mirë, edhe Arnautovic gjithashtu kur hyri, si dhe me Monzën. Ata bënë një garë të shkëlqyer dhe duhet të vazhdojnë të punojnë në këtë mënyrë. Ne presim Sanchez, që duhet të përsosë gjendjen e tij, por ka funksionuar shumë mirë deri më tani”.

Dumfries është gjithnjë e më protagonist, me dëshirë të madhe dhe një gol të shënuar: “Denzel ishte shumë i mirë, por edhe i gjithë ekipi. Denzel dhe Dimash startojnë, Carlos dhe Cuadrado kanë hyrë shumë mirë dhe shpresoj t’i kemi të gjithë në gjendje të mirë si tani”.

Inzaghi po stërvit një Inter të ri, pas shumë ndryshimeve, çka është një sfidë e rëndësishme për të. Kur e prej alkiminë e duhur në ekip? Përgjigjet trajneri zikaltër: “Nuk është e lehtë për një trajner të ndryshojë 10-11 lojtarë.

Të shohësh Interin të rikthehet në fushë si kjo të jep kënaqësi, por merita iu shkon djemve, të cilët po bëjnë shumë përpjekje. Shpresojmë të arrijmë me tri fitore në pushimin e shtatorit prej angazhimeve të kombëtareve”.

MARKETING