Inter-Milan/ Sot finalja e Superkupës së Italisë, statistika interesante të derbit

Do të jetë Inter-Milan në finale e edicionit të 37-të të Superkupës së Italisë.

Zikaltrit e Simone Inzagit kanë mposhtur Atalantën 2-0 falë dopietës së Dumfrisit dhe do të përballen me kuqezinjtë e Serxho Konseisaos, që në gjysmëfinale përmbysën Juventusin. Zikaltrit janë kampionët në fuqi të këtij trofeu dhe do të kërkojnë ta fitojnë për të nëntën herë këtë kupë për të barazuar Juventusin.
Milani nuk e fiton Superkupën që nga viti 2016 dhe në rast triumfi do të arrinte në kuotën e 8 trofeve.

Ky është derbi i dytë i sezonit, i pari u fitua nga Milani 2-1 dhe u luajt më 22 shtator në “San Siro”.

Interi dhe Milani sfidohen për herë të tretë në Superkupën e Italisë.

Në dy të mëparshmet, 1 fitore për Interin 2-1 për kuqezinjtë në vitin 2011 dhe 3-0 për zikaltrit në vitin 2022. Milani ka fituar ndeshjen e fundit kundër Interit në të gjitha kompeticionet 2-1. Në total mund të arrijnë 2 fitore radhazi, diçka që nuk ndodh që nga sezoni 2010-2011, kur arritën 3 fitore radhazi.

Milani dhe Interi do të luajnë të dyja finale e 13-të të Superkupës së Italisë.

Vetëm Juventusi ka më shumë finale 17 dhe më shumë trofe (9), Zikaltrit kanë 8 dhe kuqezinjtë 7.

Interi mund të bëhet skuadra e parë që fiton 4 finale radhazi në Superkupën e Italisë.

Në total, përveç zikaltërve e vetmja skuadër që ka arritur 3 triumfe radhazi në Superkupë ka qenë Milani me tre, nga viti 1992 deri në vitin 1994. Milani ka qenë i pamposhtur në 12 nga 13 ndeshjet e fundit në të gjitha kompeticionet. Humbja e vetme ka qenë kundër Atalantës.

Ka arritur në total 8 fitore dhe 4 barazime. Interi ka fituar 5 ndeshjet e fundit pa pësuar gol në të gjitha kompeticionet.

Vetëm një herë në histori ka arritur 6 ndeshje pa pësuar gold he bëhet fjalë për dhjetorin e vitit 2007 nën drejtimin e Mançinit. Në rast suksesi në këtë ndeshje, Simone Inzagi do të shkonte 7 trofe me Interin dhe do të barazonte Mançinin dhe Herrerën si trajnerët më fitues në historinë zikaltër. Simone deri tani ka 1 titull kampion, 2 Kupa Italie dhe 3 Superkupa Italie.

Serxho Konseisao ka fituar ndeshjen e parë nën drejtimin e Milanit. Portugezi mund të bëhet trajneri i parë kuqezi që arrin 2 fitore radhazi që prej Inzagit në vitin 2014.

Denzel Dumfris ka shënuar 5 gola në 22 ndeshje në të gjitha kompeticionet dhe nuk ka bërë kurrë më mirë në një sezon me fanellën e Interit (5 gola edhe në 2021-2022).

Milani është skuadra ndaj të cilës ka luajtur më shumë (9 ndeshje) dhe nuk ka shënuar.

Kristian Pulisiç ka shënuar 9 gola në 21 ndeshje dhe është një hap arritjes së kuotës dy-shifrore për të dytin sezon radhazi me fanellën e Milanit. Vjet shënoi 15 gola në 50 ndeshje. Amerikani i fundit që ka shënuar më shumë se 10 gola në 2 sezone radhazi ka qenë Klint Dempsej me Fulhamin dhe Totenhemin.

MARKETING