Inspektim i punimeve në lagjen Sahat Kullë nga Ganiu dhe zëvendëskryeministri Mexhiti
Kryetari i Komunës së Çairit Visar Ganiu, së bashku me zëvendëskryeministrin e parë Izet Mexhiti, realizuan një vizitë inspektuese në lagjen Sahat Kullë, ku janë duke u zhvilluar punimet për realizimin e një projekti të rëndësishëm infrastrukturor.
Ky projekt, i financuar përmes thirrjes publike të Ministrisë së Pushtetit Lokal për vitin 2024, kap vlerën e 59.861.572 denarëve dhe përfshin rikonstruksionin e rrjetit të ujësjellësit dhe kanalizimit fekal dhe atmosferik në dhjetë rrugë të kësaj lagjeje, përfshirë:
Rrugën pas Poliklinikës së Bit Pazarit
Rrugën Çairska (te selia e BFI-së)
Rrugën 178
Rrugën 156
Rrugën 374
Rrugën 177 (pjesa e parealizuar më herët)
Rrugën 150
Rrugën 397
Rrugën 157 (në zonën e Sahat Kullës)
Rrugën Hristijan Todorovski Karposh
Nga realizimi i këtij projekti do të përfitojnë rreth 260 amvisëri, si dhe një numër institucionesh dhe objektesh me rëndësi, përfshirë Poliklinikën e Bit Pazarit, Shkollën Fillore “Kongresi i Manastirit”, selinë e BFI-së, xhamitë Isa Beu dhe Sulltan Murati, si dhe shumë biznese lokale.
Ky investim paraqet një hap konkret drejt përmirësimit të infrastrukturës themelore dhe ngritjes së standardeve të jetesës për qytetarët e kësaj zone me rëndësi historike dhe funksionale për komunën.
MARKETING
