Hebrenjtë amerikanë në një tubim në New York kërkuan armëpushim të menjëhershëm në Gaza

Grupet hebraike të cilat angazhohen për paqe “pushtuan” stacionin e njohur të trenave Grand Central në New York të SHBA-së dhe kërkuan armëpushim të menjëhershëm dhe ndalimin e sulmeve izraelite në Gaza, raporton Anadolu.

Një numër i madh amerikanësh me origjinë hebreje iu përgjigjën tubimit të quajtur “Zëri hebre për Paqe”. Gjatë tubimit në Grand Central, mund të shiheshin pankarta me mbishkrimet: “Palestina duhet të jetë e lirë”, “Armëpushim, tani”, “Okuponi Grand Central për të kërkuar armëpushim tani”, “Qëndroni me ne në anën e duhur të historisë”.

“Tashmë 7.000 palestinezë janë vrarë dhe më shumë se një milion janë zhvendosur. Udhëheqësit izraelitë vazhdojnë të përdorin hapur retorikën e gjenocidit”, u tha gjatë tubimit. Anëtarët e organizatës hebraike kanë brohoritur edhe slogane si “Nuk lejojmë të bëhet gjenocid në emrin tonë” dhe “Armëpushim momental”.

Të paktën 7.326 palestinezë janë vrarë nga sulmet izraelite në Rripin e Gazës që nga 7 tetori. Rreth 70 për qind janë gra dhe fëmijë palestinezë, sipas të dhënave zyrtare. Rreth 2.3 milionë banorë të Gazës po luftojnë me mungesën e ushqimit, ujit dhe ilaçeve për shkak të bombardimeve masive ajrore izraelite dhe një bllokadë të plotë të enklavës.

Asambleja e Përgjithshme e Kombeve të Bashkuara (AP-OKB) miratoi mbrëmë një rezolutë që bën thirrje për armëpushim urgjent humanitar në Gaza.

MARKETING