Guangju detyrohet të shesë Jasir Asanin, tre klube pas sulmuesit të Kombëtares

Jasir Asani me shumë gjasa nuk do të jetë pjesë e Guangju në sezonin e ardhshëm të Koresë së Jugut. Nga vendi aziatik tregojnë se klubi është i detyruar të kryejë shitje, për të përmbushur rregullat dhe kartoni i Asanit është tashmë në treg.

Janë tre klube që raportohen të interesuara për shërbimet e Asanit. Bëhet fjalë për Jeonbuk, Visel Kobe dhe Jokohama F. Marinos.

Po ashtu bëhet i ditur dhe shifra që Guangju pret nga shitja e kartonit në janar. Bëhet fjalë për një operacion që do i kushtojë rreth 1 milionë euro, secilit klub që kërkon firmën me sulmuesin shqiptar.

29-vjeçari ka kontratë të vlefshme deri në fundin e vitit të ardhshëm. Kështu me një sezon të mbetur, ky operacion pritet të konkretizohet.

Pas aktivizimit me Kombëtaren në Europian, Asani pati një shpërthim në Korenë e Jugut. Kjo pasi ka shënuar shtatë gola në pesë ndeshjet e luajtura për Champions-in aziatik, ndërsa tri të tjerë i numëron në kampionat.

MARKETING