Grenelli i reagon Konjufcës pasi kritikoi Bidenin: Pse s’ankoheshit më parë?
Emisari Presidencial për Misione të Posaçme në kuadër të Administratës Trump, Richard Grenell, ka thurur kritikën e parë si funksionar në drejtim të Qeverisë Kurti.
Ai e ka goditur Glauk Konjufcën, pas deklarimit të kryetarit të Kuvendit lidhur me Administratën Biden. Konjufca tha se Administrata Biden e vendosi Kosovën në pozitë të disfavorshme në raport me Serbinë në dialog, shkruan Insajderi.
“Këta shpenzuan katër vite duke e lavdëruar Joe Biden dhe morën pjesë në konventat dhe festat e tyre. Pse s’ankoheshin më parë?”, deklaroi Grenell.
They spent the last 4 years complimenting Joe Biden and attending his conventions and parties.
Why didn’t they ever complain before? https://t.co/Ca6XhODOYY
— Richard Grenell (@RichardGrenell) January 22, 2025
Konjufca ka thënë se Administrata Biden dhe Obama, e kanë dëmtuar Kosovën në raport me Serbinë. Sipas tij, prej vitit 2011, këto dy administrata e kanë vendosur Kosovën në pozitë të disfavorshme.
Sipas Konjufcës, gjatë ksaj kohe, Kosovës i kanë ndodhur shumë tema të shtyra nga Serbia, e që e kanë dëmtuar reputacionin e Kosovës.
“Administrata e presidentit Biden, ma merr mendja, që kjo rrjedh prej administratës së presidentit Obama, këto në relacion me Kosovën, këta dy presidentë të shumë respektuar të Amerikës, prej vitit 2011, e kanë pasur një qasje ndaj Kosovës, e cila me thënë të drejtën, Kosovën e ka vendosur në situatë të disfavorshme ndaj Serbisë, këtë jemi dëshmitarë të gjithë. Pikërisht, administrata e presidentit Obama dhe Biden, dhe neve gjatë kësaj kohe, na kanë ndodhur disa çështje që i ka shty Serbia, që shumë e kanë dëmtuar reputacionin e Kosovës”, ka thënë Konjufca në RTK.
MARKETING
