Gjuajtje me armë në Batincë, një person mbetet i plagosur

Një person ka mbetur i plagosur si pasojë e të shtënave me armë zjarri që kanë ndodhur në fshatin Batincë, në afërsi të Shkupit.

Sipas informacioneve jozyrtare, një individ dyshohet se ka shtënë në drejtim të një personi tjetër, duke i shkaktuar lëndime. Ende nuk dihen rrethanat e sakta të incidentit, as motivet që çuan në këtë përplasje të armatosur.

Nga ana tjetër, autoritetet janë duke e hetuar ngjarjen. Pritet që në ditët në vijim policia të dalë me një version zyrtar dhe të japë më shumë detaje mbi rastin.

MARKETING