Gaza, të paktën 100 palestinezë të vrarë nga sulmet izraelite brenda 24 orëve të fundit

Me të paktën 100 palestinezë të tjerë të vrarë brenda 24 orët e fundit, numri i tyre që kanë humbur jetën në sulmet e Izraelit në Rripin e Gazës që nga 7 tetori i vitit 2023 është rritur në 50.523, transmeton Anadolu.

Ministria e Shëndetësisë me bazë në Gaza njoftoi se në spitalet e rajonit janë dorëzuar trupat e 97 personave që humbën jetën në sulmet e kryera nga ushtria izraelite në 24 orët e fundit dhe trupat e tre personave të nxjerrë nga nën rrënojat. Po ashtu njoftohet se në sulmet e ditës së fundit janë plagosur edhe 138 persona.

Në sulmet që ushtria izraelite ka kryer vetëm që nga 18 marsi, që prishën armëpushimin e arritur më 19 janar, jetën e kanë humbur 1.163 palestinezë dhe janë plagosur 2.735 të tjerë.

Që nga tetori i vitit 2023, numri i palestinezëve që kanë humbur jetën në sulmet e Izraelit ndaj Rripit të Gazës rritur në të paktën 50.523, kryesisht gra dhe fëmijë, ndërsa numri i të plagosurve në 114.776.

Besohet se nën rrënoja në Rripin e Gazës ka mijëra të vdekur të tjerë.

MARKETING